最強博彩盤路過關神器《串績王》：http://win.on.cc/football/　<br/><br/>上季英超護級成功嘅狼隊，新球季面臨更大難關，西班牙籍領隊盧比迪古日前公開炮轟管理層，直指自己未有資格參與買賣工作，亦唔知道球會嘅轉會政策，直指狼隊賣走多位主力，前景不明。<br/><br/>狼隊今夏已賣走魯爾占美尼斯、魯賓尼維斯、彌敦哥連斯同高亞迪4位主力，摩天奴、迪亞高哥斯達同艾達馬查奧爾亦自由身離隊，但主要增兵只有馬特杜靴迪免費回巢。盧比迪古表示：「我唔知球會有咩轉會計劃，我都想有答案。事實係狼隊需要更多球員，呢一點喺上季尾已經知道。」<br/><br/>據報狼隊受到財政公平條例所限，轉會資金極少，但盧比迪古就炮轟狼隊：「我有清晰目標同計劃，財政問題喺我加盟前已經存在，但我唔係財務顧問，我嘅責任係建立一支有競爭力球隊，財政公平唔關我事，狼隊已經失去好多球員，我哋要搵人代替。」