國際賽期陸續球員宣布受傷，瑞典足總周二(10日)宣布，效力紐卡素嘅前鋒阿歷山大伊沙克因傷退隊，領隊贊尼安達臣暫時唔補選球員，佢嘅缺陣會嚴重打擊瑞典爭出線最後希望。<br/><br/>狀態大勇嘅阿歷山大伊沙克，上場英超對韋斯咸梅開二度，但喺86分鐘受傷主動要求被換離場，佢日前向國家隊報到後，經軍醫檢查證實唔踢得，足總聲明表示：「隊醫幫伊沙克檢查後，認為佢唔能夠喺未來2場賽事上陣，伊沙克已離開國家隊備戰大軍。」<br/><br/>瑞典周五(13日)會友賽摩爾多瓦，下周會喺歐國外作客大戰比利時，瑞典依家喺F組排第3位，落後前2名比利時同奧地利7分，出線機會渺芒，作客比利時一仗非勝不可，但阿歷山大伊沙克受傷令情況難以樂觀。