藝人麥美恩今日（3日）下午現身電視城，出席《開心無敵獎門人》拜神儀式。今次「升呢」做獎老的她笑說：「其實《我愛香港》嗰時我都係獎老，只係冇用獎門人個名。琴晚綵排遊戲，我啲貪玩本色出晒嚟，而最想玩嘅「搵啖食」同「落雨擔遮」，相信會勾起晒香港回憶，同埋所需用品比較簡單，小朋友都可以喺屋企玩。」<br/><br/><br/><br/>談到錄影獎門人外，她正忙於拍攝賀歲劇《黃金萬両》。對於電視城不斷有人染疫，她說：「我日夜都有做檢測，惟有小心啲做防疫措施，好彩我嘅劇組暫時冇事。（拍攝有乜難忘事？）我第2次拍古裝，經歷過打風同水浸，天氣好熱，係辛苦少少，但賀歲劇要keep住開心嘅情緒。」<br/><br/>