2021年亞洲小姐亞軍袁群有今日（20日）與一班亞姐陳美濤、譚夢娜和林海茵出席書展，其中袁群有和譚夢娜吊帶裙性感搶鏡，4人為一本寫真愛情小說做模特兒，不過靚相相當密實，略為遜色。而美濤同時宣傳她個人第8本小說，19歲開始出書的她，之後每年都習慣出書，她自言不敢自居才女，透露新書寫有自己的愛情經歷，她說：「畀男人氹、畀男仔呃，個男仔話我成日掛住做嘢，變得無靈魂，其實係借口，因為我捉到佢出軌證據。」譚夢娜稱自小唔叻作文，鍾意影靚相多點，希望將來出寫真。林海茵表認同，嫌自己不夠文采，但就提議出旅行書，美濤即說：「你哋3個亞姐去旅行，我一個唔去，我幫你哋寫。」<br/><br/><br/><br/>