最強博彩盤路過關神器《串績王》：http://win.on.cc/football/　<br/><br/>前曼聯門將雲達沙因為突然腦出血，現正於深切治療部留醫，目前情況穩定，球壇各界人士紛紛喺社交網發文，為呢位52歲荷蘭名宿送上祝福，希望佢早日康復。<br/><br/>曼聯方面話：「雲達沙，我哋將所有愛同力量送畀你。」曾於曼聯同雲達沙做隊友嘅里奧費迪南話：「雲達沙係一位鬥士，我哋嘅心同雲達沙及其家人同在。」<br/><br/>車路士名宿杜奧巴話：「雲達沙係1位強勁對手，作為男人、門將都非常出色，祝你早日康復，我嘅老友。」<br/><br/>紅魔鬼宿敵利物浦亦為雲達沙打氣：「我哋與你同在，利物浦每個人都祝願你早日康復。」<br/><br/>雲達沙母會阿積士嘅宿敵燕豪芬亦放下門戶之見話：「代表燕豪芬所有人，祝雲達沙早日康復。」呢位一代鋼門曾經效力過嘅祖雲達斯、富咸都有發文支持佢。<br/><br/>除咗球會、球員之外，國際足協、英超、意甲官方亦有發文為雲達沙打氣。