足球博彩神器，每日重心提供盡在《彩報》：http://win.on.cc/football/　<br/><br/>利物浦正式宣布，原本着27號球衣嘅前鋒達雲紐尼斯，新一季改着9號，呢位24歲烏拉圭國腳之前效力賓菲加期間都係着9號，依家終於重獲呢件「射手戰衣」，來季可能會有運行，重拾射門鞋。<br/><br/>利物浦9號波衫原本屬於羅拔圖法明奴，呢位巴西國腳今夏約滿離隊，並轉投沙特阿拉伯球隊吉達艾阿里之後，令9號球衣懸空，身為陣中主力射手嘅達雲紐尼斯順理成章接過呢件波衫，佢話：「好開心可以着9號，感到十分驕傲，希望一切都會變得美好，好似之前着過利物浦9號嘅球員一樣取得成功。」<br/><br/>達雲紐尼斯效力賓菲加期間，身穿9號波衫，入球率極高，其中2021/22年球季上陣41場入34球，因而獲利物浦垂青收歸旗下，但佢上季着27號球衣，為紅軍上陣42場僅入15球，利物浦球迷都希望佢今次轉波衫號碼，可以轉埋運，重拾昔日入球機器本色。