第2轮英超就输波嘅曼联，近日再爆出伤兵潮，继新加盟嘅美臣蒙特受伤后，曼联周五(25日)证实左闸劳基梳尔亦有肌肉伤患，将会缺席“数个星期”，而且军医仍就伤患详情进行检验，最坏情况可能要抖几个月。<br/><br/>曼联官方声明表示：“劳基梳尔受伤患困扰，将缺阵嚟紧嘅比赛，军医仍就佢嘅肌肉伤患做检查，预期佢会休战数个星期。”曼联周六(26日)对诺定咸森林，以及国际赛前最后一轮作客阿仙奴，劳基梳尔都肯定唔能够候命。<br/><br/>劳基梳尔嘅伤患亦令曼联出现“左闸荒”，事关佢哋周四(24日)先将班顿威廉斯外借叶士域治，荷兰左闸杜维尔马拉西亚又养紧伤，依家只系得番青训左闸艾华路费南迪斯可以用，必要时可能要右闸达洛治再次客串左路防守。