網上瘋傳一段影片，一名球員跳起飛剷，一次過剷到兩名球員瞓低，球證立即出示紅牌趕球員出場，網民一嘩然，評為史上最瘋狂飛剷，認為一張紅牌不足以懲罰呢位球員，要畀2張紅牌先得！<br/><br/>影片：https://twitter.com/golazoargentino/status/1703577576621461946　<br/><br/>報道指呢場比賽係周日舉行嘅洪都拉斯聯賽，由馬拉松對奧林比亞，施暴球員名叫安德烈奧雷利亞納，現年21歲，結果馬拉松呢場波輸0比1，佢亦因為呢腳飛剷紅咗。<br/><br/>安德烈賽後向兩名受害球員及公眾道歉：「我真誠地向每個人道歉，人必須從錯誤中學習，我太着緊比賽，當時太忘我，好彩嘅係冇令他人受傷，其中一位被剷球員同我講佢冇事，仲話呢啲事情係比賽一部份。」<br/><br/>網民紛紛發表評論：「史上最瘋狂飛剷」、「應該終身停賽」、「要畀兩張紅片」、「球證出示紅牌速度亦係史上最快」。