西班牙鋼門迪基亞今夏約滿離開曼聯之後，現時仍然未有球會收留，由於呢位32歲門將屬於自由身球員，唔受轉會窗時間限制，可以隨時同任何球隊簽約，傳出2支西甲球隊華倫西亞、貝迪斯都有興趣邀請迪基亞加盟。<br/><br/>貝迪斯門將雷爾施華上仗對巴塞隆拿一役受傷，球隊最終吞5蛋，副選維迪斯經驗不足，另一位後備門將哥迪奧巴禾已經40歲，會方希望簽入迪基亞救亡。<br/><br/>至於華倫西亞亦希望增強門將位置實力，同樣睇中迪基亞，但由於迪基亞過往喺曼聯擁有37.5萬鎊周薪，相信華倫西亞、貝迪斯都無法向佢支付巨額人工，除非佢願意減薪，先至有機會成事。<br/><br/>由於曼聯新簽門將奧拿拿表現欠佳，唔少網民建議紅魔鬼不如簽番迪基亞仲好。