足球博彩神器，每日重心提供盡在《彩報》：http://win.on.cc/football/　<br/><br/>馬德里體育會宣布，法國前鋒基沙文新球季將會重新着7號波衫，不過呢個號碼原本屬於祖奧菲歷斯，意味呢位葡萄牙球星好大機會被踢走，傳聞巴黎聖日耳門有意提出借用。<br/><br/>基沙文喺馬體會成名嗰陣，一直都係着7號，但佢2019年轉會巴塞隆拿後，7號就由祖奧菲歷斯繼承，2年前基沙文重返馬體會，只能夠改着8號，今次佢突然拎番至愛嘅7號，意味祖奧菲歷斯留隊機會極低。<br/><br/>祖奧菲歷斯今年1月被外借車路士，不過車路士新帥普捷天奴已表明唔會將佢買斷，消息指法甲豪門巴黎聖日耳門打算提出借用呢位23歲前鋒。