最強博彩盤路過關神器《串績王》：http://win.on.cc/football/　<br/><br/>熱刺王牌前鋒哈利卡尼轉會拉鋸戰持續，據英國同德國傳媒報道，拜仁慕尼黑已向熱刺第2度開價，最新報價加碼至7,000萬鎊(約7億港元)外加獎金條款，但消息指熱刺將會再次拒絕，主席利維企硬要1億鎊(約10億港元)轉會費先肯放人。<br/><br/>拜仁慕尼黑今夏目標係簽頂級前鋒，教練杜曹對哈利卡尼情有獨鍾，並且已同呢位英格蘭前鋒私下達成協議。拜仁早前開價6,000萬鎊(約6億港元)加獎金，已被熱刺一口拒絕，今次加碼至7,000萬鎊及獎金，消息指熱刺將會企硬，堅持1億鎊先肯放人。<br/><br/>英國《衞報》報道，拜仁收到正式回覆後，會考慮係咪第3次出價，由於哈利卡尼同熱刺只剩1年合約，而且佢已表明唔會續約，熱刺唔想哈利卡尼明年自由轉會，強硬態度未必會維持，拜仁認為月底就30歲嘅哈利卡尼冇可能值1億鎊，如果收購計劃告吹，會轉目標搵祖雲達斯嘅杜辛華荷域。