曼聯今季鋒力疲弱，安東尼馬菲奧斯、查頓辛祖等翼鋒令人失望，不過球迷依家又見到一絲希望，21歲翼鋒阿密特迪亞路養傷超過3個月後，日前終於復操，佢上季效力新特蘭被球迷選為「英冠最佳球員」，或者可以幫曼聯帶嚟衝擊。<br/><br/>曼聯2年前用4,000萬歐元(約3.3億港元)高價收購阿密特迪亞路，明顯睇好佢嘅優厚潛力，上外將佢外借去新特蘭，呢位科特迪瓦新星有14個入波同3次助攻，更被球迷投票選為英冠最佳球員。今夏重返曼聯本來準備上位，但7月份踢季前熱身嚴重受傷，一直養傷至今。<br/><br/>曼聯周一(30日)公開阿密特迪亞路復操片段，消息指佢將喺今年內復出，由於查頓辛祖同領隊坦哈格不和，1月勢必被賣走，阿密特迪亞路有望直接取代查頓辛祖嘅位置。