ViuTV綜藝節目《我哋係COLLAR》昨晚(31日)首播,第一集由女團成軍前參加比賽講起,除了三甲會自動成為女團成員外,其他女團人選由經理人戴穎、花姐及各高層開會決定,戴穎憶述當日開會情況,並逐一拆解每位成員入團原因。<br/><br/>她稱大家對團員7人還是8人也有分歧,討論了很久,而人選方面,女團第四人很快便鎖定Candy,她說:「我哋係一致認同,佢喺決賽時表演好亮眼,覺得係見到一個明星喺台上面,嗰晚表演幫佢加咗好多分。」So Ching亦是眾人的心水之列:「佢一開始就喺我哋名單入面,佢係同時可以型格同甜美,呢個唔係好多人可以做到。」<br/><br/>然而,令人最意想不到的是仙氣女神兼人氣強勁的Ivy So竟花了大家最多時間討論,爭議最大:「因為有人覺得佢唔靚,唱歌同跳舞嘅能力又唔夠,點解要揀佢,但我一直以來嘅想法係佢人氣好高,人氣呢樣嘢,冇就係冇,如果有就要睇重,佢有咁多人支持,好應該要佔女團一席位。」她指年紀最大的芯駖是尾二入選,她稱不算有很多反對聲音,而且她的人氣及才能都有目共睹,認為不應因為年紀而成為女團框架。另外,WINKA是賽前大家沒有想過的人選:「我冇諗過決賽可以令一個人喺咁多人之中突圍而出,佢揀咗一首好合適佢嘅歌,畀我哋睇到佢嘅歌藝可以去到咩水平,話畀我哋知可以走得更遠。」<br/><br/><br/><br/><br/>