足球博彩神器，每日重心提供盡在《彩報》：http://win.on.cc/football/　<br/><br/>烏拉圭神鋒卡雲尼上年夏天以自由身，由曼聯轉投西甲球隊華倫西亞，原本簽約2年，但現時面臨被提早解約，西班牙塞爾電台爆料，指華倫西亞已經通知卡雲尼，新一季已經唔需要佢，據悉呢位36歲老將可能轉投阿根廷球隊小保加。<br/><br/>卡雲尼上季加盟華倫西亞之後，初期表現唔錯，但之後水準走下坡，為呢支「蝙蝠兵團」上陣28場入7球。華倫西亞上季成績欠佳，僅排16位，勉強護級成功，會方痛定思痛，準備大刀闊斧重建球隊，所以決定放棄老將卡雲尼。<br/><br/>據悉卡雲尼嘅經理人已經聯絡小保加嘅代表，商討加盟嘅可能性，事實上，小保加2年前已經想簽入卡雲尼，雙方今次有機會一拍即合。