最強博彩盤路過關神器《串績王》：http://win.on.cc/football/　<br/><br/>阿仙奴今夏豪花超過2億鎊(約20.46億港元)買迪格蘭賴斯、夏維斯同祖利安添巴後，大軍周日(16日)即起程展開美國之旅，一眾新兵全部有份上機，不過中場大將湯馬士柏迪竟然未喺名單上，有傳佢正同沙特阿拉伯球會進行斟介，可能短期內離隊。<br/><br/>阿仙奴星期四(20日)朝早會對美職明星隊，大軍周日起程，啱啱加盟嘅迪格蘭賴斯同祖利安添巴都趕得切出發，但亦有多人榜上無名，上季被外借嘅森比盧干加、尼高拉斯比比、薛迪索拉斯同紐奴泰華利斯落選唔令人意外，但湯馬士柏迪竟然同踢完U21歐國盃嘅伊美路維一齊被列入「預計1星期後歸隊」，就引嚟轉會猜測。<br/><br/>湯馬士柏迪上場對紐倫堡嘅熱身賽有份上陣，未發現有傷患問題，反而有傳沙特阿拉伯球會正重金邀請佢加盟，尤其迪格蘭賴斯加盟後，湯馬士柏迪嘅正選位置勢必被搶走，消息指阿仙奴將要求4,000萬鎊(約4億港元)轉會費先會考慮放人。