足球博彩神器，每日重心提供盡在《彩報》：http://win.on.cc/football/　<br/><br/>「3冠王」曼城重槌出擊！轉會權威Fabrizio Romano爆料，曼城已同RB萊比錫就收購加華度爾傾掂數，呢位克羅地亞國腳周四(20日)更已率先完成首部份體測。英國傳媒透露，今次轉會費總值高達1億歐元/8,700萬鎊(約8.75億港元)，將打破哈利馬古尼紀錄，成為世界最貴後衞。<br/><br/>曼城今夏簽入克羅地亞中場高華錫後，全力追逐另一克羅地亞國腳加華度爾，呢位喺卡塔爾世盃表現出色嘅21歲中堅，被RB萊比錫定價1億歐元，Fabrizio Romano周四指雙方已達成協議，加華度爾更閃電做體測，完成後就會簽約4年。<br/><br/>英國《每日郵報》報道，今次轉會費高達8,700萬鎊，將會打破曼聯在2019年用8,000萬鎊(約8億港元)收購哈利馬古尼紀錄，成為史上最高轉會費後衞。RB萊比錫今夏被英超搶走唔少主力，之前已有尼干古轉投車路士，中場蘇保斯拉爾亦已改投利物浦。