最強博彩盤路過關神器《串績王》：http://win.on.cc/football/　<br/><br/>上季成績令人失望嘅車路士，新一季喺普捷天奴執教下力圖重振雄風，不過開操冇耐又有麻煩出現，上季飽受傷患困擾嘅列斯占士，日前操練期間再次覺得膝頭痛楚，車路士已安排佢去進行掃瞄檢查，希望冇事可以隨隊出發美國之旅。<br/><br/>23歲嘅列斯占士係車路士重心球員之一，不過近年傷患不斷，上季只係踢過16場英超，喺英格蘭出戰世盃前亦受傷退隊，原本諗住新球季要重新出發，但據英國《標準晚報》報道，列斯占士日前練習期間膝頭出現痛楚，車路士即刻安排佢去做檢查，初步估計問題唔會太嚴重，希望佢可以隨隊去美國集訓。<br/><br/>車路士目前仍然為陣容進行調整，其中防線已有2名新面孔加入，包括上季外借白禮頓嘅中堅高維爾，以及1月份已簽入嘅法國右閘文路古士圖正式歸隊。車路士今個星期展開美國集訓，期間會踢4場熱身賽，包括喺英超夏日系列斯對白禮頓、紐卡素同富咸。