意大利「壞孩子」巴洛迪利近日同瑞士球隊錫永解約，成為自由身球員，土耳其球隊代米爾準備出手，邀請呢位33歲前鋒回巢。<br/><br/>巴洛迪利上季加盟錫永，上陣19場入6球，但未能協助球隊護級，最終降班收場，根據「轉會權威」記者羅曼諾(Fabrizio Romano)爆料，雙方已經達成解約協議，「巴神」下一站可能加盟代米爾。<br/><br/>事實上，巴洛迪利轉投錫永之前，就係效力代米爾，曾經為呢支土超球隊上陣35場入19球，表現出色，會方仍然對佢念念不忘。巴洛迪利曾經效力國際米蘭、曼城、利物浦、AC米蘭、尼斯等球隊，佢講過土超水平高過意甲，相信佢應該樂意重返代米爾。