歐洲足協公布2022至23年度最佳球員前3提名，就係美斯、艾寧夏蘭特同奇雲迪布尼，美斯今夏已經離開歐洲，今次選舉可能係佢生涯最後一次參與。<br/><br/>呢項選舉係以參加歐洲賽事球隊教練同傳媒投票，入圍名單中挑選3名球員，配以5、3、及1分，結果美斯、艾寧夏蘭特同奇雲迪布尼得分最高。其實美斯上季喺巴黎聖日耳門只係贏到法甲，但歐聯16強出局，同埋幫阿根廷贏咗世盃冠軍。<br/><br/>曼城上季贏得包括歐聯嘅三冠王，兩名藍月主力艾寧夏蘭特同奇雲迪布尼齊齊入圍最後3強，佢兩個其中之一當選會較合理，要選出邊個最佳仲有排拗，要視乎評審團點睇。<br/><br/>歐洲足協同時公布上季最佳教練前3提名，分別係哥迪奧拿、施蒙尼恩沙基同史巴列堤。頒獎禮將於8月31日歐聯分組賽抽籤期間舉行。