男子組合ERROR今晚（21日）在九龍塘出席電影《七人樂隊》首映，問到他們可希望和多位殿堂級導演合作？梁業（肥仔）說：「全部都想合作，我哋就係咁貪心。有小道消息話有荷里活導演睇中我哋4個，想同我哋合作。」吳保錡說：「可以開拍《腸仔四俠》或者《美國大腸》。」<br/><br/>講到金像獎當晚直播，ERROR出場即播廣告令粉絲不滿，保錡說：「有幾秒都好呀！」肥仔笑有ERROR的出現，就會有這些情況，相當正常，又指當晚最開心是保錡被偶像張家輝「召喚」，保錡說：「夠厚面皮就得㗎喇！」肥仔說：「佢拍《花姐ERROR遊》跳笨豬跳時也大叫『我愛張家輝』壯膽，雖然都係跳唔到。」何啟華（Dee）笑言：「其實保錡拍綜藝嘅節奏好有『化骨龍』味道。」<br/><br/>講到與偶像合作，肥仔最想與中學師兄郭富城合作歌舞片，但至今仍未見過他。保錡即笑言：「咁你即是《Para Para菊之花》。」郭嘉駿（193）則指再想與鄭伊健合作，笑稱希望演《古惑仔》的「烏鴉」，他又笑言ERROR一向是「季節性藝人」，隨後會不斷與大家見面。<br/><br/>