今季英超開局大勇嘅熱刺，喺周日(24日)北倫敦打吡前傳出噩耗，克羅地亞老將比列錫喺訓練期間重傷，據報今季好可能提早收咧，而且佢同熱刺嘅合約明年夏天完結，意味佢可能已冇機會再披熱刺球衣上陣。<br/><br/>熱刺周三(20日)發聲明證實，比列錫喺日前訓練中冇任何碰撞下受傷，右膝十字韌帶重創，將要進行手術治療。據報比列錫手術後要休息至少半年，呢位34歲球星今季係熱刺「後備殺手」，5場聯賽都有後備上陣，包括上場絕地反勝錫菲聯交出關鍵助攻。<br/><br/>比列錫上年由國際米蘭加盟熱刺，上季喺34場聯賽上陣，狀態一直保持得好好，佢今次重傷，對克羅地亞爭奪明年歐國盃入場券亦係一大打擊，比列錫喺克羅地亞4場歐國外踢足360分鐘，地世舉足輕重。