今個星期歐聯矚目大戰，巴黎聖日耳門(PSG)主場迎戰AC米蘭，今場係兩大門神倒戈戰，意大利國腳基安盧基當拿隆馬2年前「背叛」AC米蘭，成為米蘭球迷公敵，不過AC米蘭當年簽入PSG棄將邁治蘭接班，依家獲得評價更勝基安盧基當拿隆馬！<br/><br/>28歲嘅邁治蘭係PSG青訓出身，但球會自卡塔爾財團入主後奉行巨星政策，邁治蘭喺2015年被踢去里爾，之後愈踢愈好成為法國國家隊正選門神，今場倒戈前邁治蘭表示：「倒戈嘅感覺好奇怪，返到法國令我啲回憶返晒嚟，我屋企人今場會觀戰，但我唔可以受情緒影響，要做好自己任務。」<br/><br/>當拿隆馬喺PSG表現平平，更加令球迷覺得PSG「早知」應該留邁治蘭，前PSG兼法國門將蘭特奴賽前表示：「如果PSG同AC米蘭混合，唯一一個會做正選嘅AC球員係邁治蘭，如果時間可以重來，PSG應該留低邁治蘭，AC米蘭真係執到寶。」