人氣男神張天賦（MC）日前出席護膚品牌活動，MC笑言自己好懶，沒特別講究護膚，平日都是聽化妝師的建議。下月他將與洪嘉豪再次合作開騷，更率先大爆今次會有跳舞環節：「準備時間唔係太多，所以都幾緊張，但唔緊要，因為有人驚過我，嗰個就係洪嘉豪啦！」3場門票早就售罄，好多粉絲搶不到飛，他說：「唔使擔心，我都希望盡快搞更多演唱會。」他表示將計劃演唱會後請假，與媽媽飛去日本旅行浸溫泉。而同門好兄弟洪嘉豪的專輯推出即賣斷市，新歌《污糟兒》更登上音樂平台第一位，最近勤做健身的嘉豪在新歌MV罕見出浴露肩，引來粉絲起哄要求騷肌！<br/><br/><br/><br/><br/>