皇家馬德里今夏重金簽入英格蘭新星祖迪比寧咸，估唔到開咧已經「值回票價」，祖迪比寧咸喺皇馬嘅角色更加進攻，開咧2場聯賽入3球，佢已定下今季入至少15球目標，就連雲尼斯奧斯祖利亞都大讚佢係「最佳拍檔」。<br/><br/>祖迪比寧咸同雲尼斯奧斯祖利亞、洛迪高高斯組成進攻鐵三角，2場聯賽已入3球，呢位英格蘭國腳表示希望打破個人入球紀錄，佢上季喺多蒙特各項賽事入14球，即係今季入15球已經可以達成目標，以佢嘅狀態可以話毫無難度。20歲嘅祖迪比寧咸表示轉會短時間內，佢已經有大幅進步：「我係一塊海綿，隊友、教練嘅所有說話都畀我吸收晒，我覺得自己比上季已經進步10倍！」<br/><br/>巴西前鋒雲尼斯奧斯祖利亞對呢位新隊友亦讚不絕口：「祖迪比寧咸係最完美嘅進攻拍檔，佢可以繼承賓施馬位置，為球隊帶嚟入波、助攻同悅目嘅足球。」