卡塔爾世盃最佳新人安素費南迪斯今年初加盟車路士，本來準備喺英超創一番事業，但事與願違，佢加盟後車路士亂局未停過，今季開局亦成績低落，而且整體表現差劣，有報道指安仔唔想再浪費青春，認真考慮離開車路士。<br/><br/>西班牙《簽約網》報道，該位以1億鎊由賓菲加轉投車路士嘅阿根廷國腳，正認真考慮自己前途，主要原因係佢發覺車路士足球水平遠低於預期，就算普捷天奴接手後仍未見進步，令安仔萌生退意。<br/><br/>22歲嘅安素費南迪斯當日為求轉投車路士，幾乎同賓菲加反面，雖然佢已貴為卡塔爾世盃冠軍成員之一，但其足球事業實際上只係剛起步，依家發現自己搭錯車，想跳車都好正常。