皇馬2019年夏天重金簽入夏薩特，表現未如預期，明顯係蝕本生意，勢估唔到夏薩特已經掛咗靴，但皇馬條尾數都未找完，近期仲要畀錢車路士，而且唔係小數目，要成500萬鎊(約4,900萬港元)，究竟係咩費用？<br/><br/>當日夏薩特由車路士轉會皇馬，轉會費總值1.3億鎊，皇馬首筆支付8,800萬鎊，餘下約4,200萬鎊就按浮動條款支付，而最近皇馬再度打入歐聯決賽，就觸發其中一項條款，費用為500萬鎊。<br/><br/>雖然夏薩特於去年夏天同皇馬協議解約，而該前比利時國腳亦於去年10月宣布結束球員生涯，但估唔到遺禍至今，皇馬同車路士嘅合約仍然有效，當日嘅合約條款留有尾巴，而咁啱皇馬再度打入歐聯決賽，觸發合約條款，皇馬自然又有磅水。