備受各大豪門垂青嘅紐卡素中場般奴古馬雷斯，據轉會專家羅曼諾報道，指「喜鵲」快將同佢達成續約協議，有望將呢位巴西國腳留到2028年。<br/><br/>般奴古馬雷斯自2022年1月從里昂加盟後，一直表現出色，上季更協助紐卡素殺入前4，因此受到皇馬、利物浦、車路士垂青，而佢合約去到2026年到期，其中紅軍同車仔今夏都試過問價，但被「喜鵲」告知佢係非賣品。羅曼諾指雙方近日進行秘密談判，取得突破性進展，有指紐卡素將會同古馬雷斯續約到2028年，並且會加人工至12萬鎊（約117萬港元）周薪，雙方接近達成協議，今季多線作戰嘅「喜鵲」能綁住呢位中場核心，絕對可穩定軍心。